ازيكم ان شاء الله تكونوا كلكم بخير

انا عارفه ان بقالى فتره كبيره ما دخلت لانى انشلغت بالامتحانات ومن بعدها نزولى للصيدليه

تعرفوا انى بجد زعلانه انى سبت الكليه لان بجد الحياه العمليه صعبه جدا جدا جدا

انا خلصت الامتحانات والحمد لله نجحت ونزلت صيدليه

ممكن يكون اللى صعب عليه الحياه العمليه انى اخترت صيدليه شغلها كبير عليه لكنى كنت متعمده ان اختيارى يكون كده لانى حبيت اتعب فى الاول علشان ارتاح فى الاخر واقدر انجز فى الوقت

على فكره الشغل مش بس انك تقدر تنجز المهام اللى عليك بس لكن الشغل مزيج من حاجات كتير اهمهم التعامل مع الناس واللى مستحيل مليون كتاب يقدر يعلمهوللك

كويس انى بكتب بعد شهر من نزولى لانى اكيد لو كنت كتبت بعد نزولى على طول كنتم شوفتم الاكتئاب على اصوله ههههههههههههههههههه لكن الحمد لله على كل شىء

يكون يكون الصيدليه هى محور حياتى الفتره دى اللى كل حياتى بتدور حوليه

لكن بتمنى ان يجد جديد فى حياتى يغير شويه لانى مليت

دعواتكم ليه

دى اول مره اكتب فيها مقال وكمان ابقى عارفه ان الكلام ده ممكن حد يقراه

لكن حابه اقول

انى بذاكر علشان امتحانى اقرب دى اخرسنه ليه فى الكليه المفروض انى اكون مبسوطه لكن مش حاسه بحاجه عادى

يمكن لانى بقيت احس ان كل شىء عادى فى الحياه